مش كل حاجة مستعجلة تبقى مهمة: مصفوفة أيزنهاور – The Eisenhower Matrix

ناس كتير بتجري طول اليوم وبتنجز حاجات كتير، لكن في آخر اليوم يحسوا إنهم ماحققوش تقدم حقيقي.

السبب؟ إنهم بيشتغلوا على حاجات مستعجلة مش مهمة فعلًا.

الرئيس الأمريكي “دوايت أيزنهاور” كان بيستخدم طريقة عبقرية لإدارة المهام،

اسمها Eisenhower Matrix، وبتقسم المهام لأربع أنواع:

1. مهم ومستعجل

   → نفّذه فورًا (زي مشكلة عميل كبير أو عرض هينتهي النهاردة)

2. مهم ومش مستعجل

   → حدده في الجدول (زي تطوير نظام شغل، أو تدريب الفريق)

3. مش مهم لكن مستعجل

   → فوّضه لحد تاني (زي مكالمة عادية أو تنسيق اجتماعات)

4. مش مهم ومش مستعجل

   → تجاهله (زي التصفح العشوائي أو مهام ملهية)

السر في إنك تقضي أغلب وقتك في المربع رقم 2:

الحاجات المهمة اللي مش مستعجلة

لأنها اللي بتبني شغلك وتمنع الكوارث قبل ما تحصل.